| |
ෆොන්සේකාගේ සුදු කොඩි කතාව
7-29-2010
ජනරාල් ෆොන්සේකා මහතාගේ සුදු කොඩි ප්රකාශය සම්බන්ධයෙන් ඔහුට එරෙහිව පවරා ඇති නඩුව මහාධිකරණ ත්රිත්ව විනිශ්චය මණ්ඩලය හමුවේ ප්රථම වතාවට කොළඹ මහාධිකරණයේ දී අද (29) කැඳවේ.
කොළඹ මහාධිකරණය සහ ඒ අවට අද දිනයේ විශේෂ පොලිස් ආරක්ෂාව යෙදවීමට කටයුතු යොදා තිබේ.
හදිසි නීතිය සහ දණ්ඩ නීති සංග්රහය යටතේ අධිචෝදනා 03ක් නීතිපතිවරයා විසින් ෆොන්සේකා මහතාට එරෙහිව මෙම නඩුවේදී ඉදිරිපත් කර තිබේ.
කොළඹ මහාධිකරණ විනිසුරුවරුන් වන දීපාලි විජේසුන්දර මහත්මිය (සභාපති), ඩබ්. ටී. ඇම්. වී. බී. වරාවැව සහ ගල්කිස්ස සිවිල් මහාධිකරණ විනිසුරු මොහමඩ් සුල්ෆිතා රශීන් මහත්වරුන්ගෙන් විනිශ්චය මණ්ඩලය සමන්විතය.
ආරක්ෂක ලේකම් ගෝඨාභය රාජපක්ෂ, බ්රිගේඩියර් ශවේන්ද්ර සිල්වා, ලීඩර් පබ්ලිකේෂන් ආයතනයේ සභාපති ලාල්රාජ් වික්රමතුංග මහත්වරුද සන්ඩේ ලීඩර් පුවත්පතේ කර්තෘ ප්රෙඩ්රිකා ජෑන්ස් මහත්මිය ඇතුළු විසි දෙනෙක් පැමිණිල්ල වෙනුවෙන් සාක්කි දීමට නියමිතය.
2009 දෙසැම්බර් 13දා පළවූ සන්ඩේ ලීඩර් පුවත්පතේ පළවූ ප්රෙඩ්රිකා ජෑන්ස් විසින් වාර්තා කරන ලද ප්රවෘත්තියක් සම්බන්ධයෙන් ෆොන්සේකා මහතාට එරෙහිව මෙහි අධිචෝදනා ඉදිරිපත් වී තිබේ.
|
ශ්රී ලාංකිකයෝ 6ක් දැලේ
7-29-2010
නීතිවිරෝධී ලෙස බෝට්ටුවකින් අමෙරිකාවට ගිය ශ්රී ලාංකිකයෝ සය දෙනෙකු එරට පොලිසිය මගින් අත්අඩංගුවට ගෙන ඇත.
පෙරේදා (27) පෙරවරු 6.40 ට පමණ අමෙරිකාවේ පාම්බීච් පොලිසිය මගින් ඔවුන් අත්අඩංගුවට ගත් බව අමෙරිකාවේ ශ්රී ලංකා තානාපති කාර්යාලය සඳහන් කරයි. එරට වෙරළාරක්ෂක නිලධාරින්ට ලද තොරතුරක් මත මෙම ශ්රී ලාංකිකයන් අත්අඩංගුවට ගෙන ඇති අතර අත්අඩංගුවට පත් අවස්ථාවේදී මොවුන් යහපත් සෞඛ්ය තත්ත්වයෙන් සිටි බවද තානාපති ආරංචිමාර්ග කියයි.
මේ ශ්රී ලාංකික සරණාගතයන් සය දෙනා අවුරුදු 20 ත් 40 ත් අතර වයසේ පසුවන්නන් බවත් මේ පිරිස බෝට්ටුවකින් අමෙරිකාවට පැමිණ තිබෙන බවට අනාවරණය කැරගෙන තිබෙන බවත් අමෙරිකාවේ ශ්රී ලංකා තානාපති කාර්යාලය අවධාරණය කරයි.
|
ගිනි තබා ගත් රියන්සි
7-27-2010
"අද පක්ෂයට අවශ්ය වන්නේ ප්රතිසංවිධානයක්ද? සියලු පාක්ෂිකයන් එකට අත්වැල් බැඳගත් සමගි සන්ධානයක් ද"? සිරිකොත එක්සත් ජාතික පක්ෂ මූලස්ථානය ඉදිරිපිටදී පෙරේදා (26) සිරුරට ගිනි තබාගෙන සිය දිවි හානි කරගත් රියන්සි අල්ගම මහතා අවසන් වරට සිය අත්අකුරින් ලියන ලද ලිපියක එම ප්රශ්නාර්ථය මතු කර තිබේ.
එම ප්රශ්නාර්ථය එක්සත් ජාතික පාක්ෂිකයන් බොහෝදෙනකුගේ සිත් තුළ ඉතිරි කරමින් රියන්සි අල්ගම මහතා පමණක් ජීවිතයෙන් වන්දි ගෙවා එම ප්රශ්නයෙන් නිදහස් වී ඇත.
එක්සත් ජාතික පක්ෂයේ සිදුවෙමින් පවතින ප්රති සංවිධාන වැඩපිළිවෙල නිසා පක්ෂයේ බෙදීමක් ඇතිවන බව සිය දිවි හානිකර ගැනීමට පෙර රියන්සි මහතා එම පක්ෂයේ නායකයන් හා ක්රියාකාරීන් කිහිපදෙනකු හමුවී ප්රකාශ කොට තිබිණි.
එහෙත් සිය ප්රශ්නයට විසඳුමක් නොලැබුණ නිසා එම අවනඩුව පක්ෂයේ නායක රනිල් වික්රමසිංහ මහතා හමුවේ තැබීමට මියගිය දින සවස 1.30 ට පමණ ඔහු කේම්බ්රිඡ් ටෙරස්හි පිහිටි විපක්ෂ නායක කාර්යාලය වෙත පැමිණියේය.
විපක්ෂ නායක රනිල් වික්රමසිංහ මහතා ඒ වනවිටත් විදේශගතව සිටි නිසා ඔහුගේ පෞද්ගලික ලේකම් සුදත් චන්ද්රසේකර මහතා හමුවූ රියන්සි අල්ගම මහතා "මහත්තයෝ නායකතුමා ඉවත් කිරීමේ දැවැන්ත කුමන්ත්රණයක් අද ක්රියාත්මක වෙනවා. මේක නායකතුමාටවත් ඔයාලටවත් තේරෙන්නේ නැහැ. එහෙම වුණොත් පක්ෂය ඉවරයි. ඒ නිසා වහා මේ තත්ත්වය තේරුම් ගත යුතුයි. මේ බව නායකතුමාට ලිඛිතව හෝ දැනුම් දිය යුතුයි."
හැඬූ කඳුළින් කරන ලද එම ඉල්ලීමට සවන්දී සිටි තමා අවසානයේ ඔහුගේ ඉල්ලීම පරිදිම එම කරුණු ලියා දැන්වීමට හිස් කොළ කිහිපයක් ලබාදුන් බවත් අනතුරුව කොළ 1 1/2 ක ලිපියක් ලියාදී තවදුරටත් කිසිවක් ලිවිය නොහැකි බව කියමින් තමා ප්රකාශ කරන කරුණු පටිගත කර ගන්නා ලෙස රියන්සි මහතා ඉල්ලා සිටි බවත් සුදත් චන්ද්රසේකර මහතා "දිවයින" ට පැවසීය.
සිය අදහස් ලිඛිතව සහ වාචිකව ප්රකාශ කළ රියන්සි මහතා ඉන් අනතුරුව සිරිකොත පක්ෂ මූලස්ථානය කරා ගමන් කළේ, මින් මතුවට ඒ බව කිසිවකුටත් නොකියන විශ්වාසයෙනි.
වැලිගම, රණබදුරගම, ජයමාවත, නිවසෙහි පදිංචිව සිටි රියන්සි අල්ගම මහතා වයස අවුරුදු 60 ඉක්මවූ තිදරු පියෙකි.
ඩඩ්ලි සේනානායක සමයේ එක්සත් ජාතික පක්ෂයට බැඳුණු හෙතෙම එතැන් සිට දිගු කාලයක් එක්සත් ජාතික පක්ෂයේ කටයුතුවලට සෘජුවම සම්බන්ධවෙමින් කටයුතු කර පසු කාලීනව පක්ෂයෙන් ඉවත්ව ගොස් නැවත ඡේ. ආර්. ජයවර්ධන පාලන කාලයේදී පක්ෂයට එක්වූ ක්රියාකාරී සාමාජිකයෙකි.
වත්මන් එක්සත් ජාතික පක්ෂ නායක රනිල් වික්රමසිංහ මහතාගේ මැතිවරණවලදී මෙන්ම පසුගිය ජනාධිපතිවරණයේදී ද විශාල කැපවීමකින් කටයුතු කළ හෙතෙම සබරගමුව පළාත් සභා මැතිවරණයට රත්නපුර දිස්ත්රික්කයෙන් තරඟ කළ රංජන් රාමනායක මහතාගේ මැතිවරණ ව්යාපාරයේ කැපී පෙනෙන චරිතයක් බවට පත් විය.
එක්සත් ජාතික පක්ෂයේ සිදුවෙමින් පවතින ප්රතිසංවිධාන හරහා පක්ෂයේ යම් කිසි බෙදීමක් ඇති වී එය පක්ෂය විනාශ කිරීමට හේතුවක් වනු ඇති නිසා ඔහු ඒ පිළිබඳ දැඩි කළකිරීමකින් කල් ගෙවා ඇති බව ඔහුගේ හඬපටිය සහ අවසන් වතාවට ලියන ලද ලිපිය දෙස අවධානය යොමු කිරීමේදී පැහැදිලිය.
දේශපාලන පක්ෂයක් හෝ එහි නායකයකු වෙනුවෙන් මෙලෙස සිය දිවි හානි කර ගත් පුද්ගලයන් ගැන මෙරට දේශපාලන භූමිකාව තුළ අසන්නට දකින්නට ලැබීම ඉතා විරලය.
එක්සත් ජාතික පක්ෂය තුළ සිදුවන ප්රතිසංවිධාන වැඩපිළිවෙළට එරෙහිව මෙලෙස කිසිවකු සිය දිවි නසාගනු ඇතැයි එම පක්ෂයේ කිසිවකු නොසිතන්නට ඇත. එහෙත් රියන්සි අල්ගම මහතා සිය ආදරණීය බිරිඳත්, දරුවන් තිදෙනාත් සඳහටම තනිකර දමා ඔවුන්ට ද හොර රහසේ පක්ෂය වෙනුවෙන් අද මෙලොවින් සමුගෙන ඇත.
සිය ආදරණීය බිරිඳට දරුවන්ට හා ඥතීන්ට වඩා පක්ෂයට ආදරය කල බව මෙම ක්රියාව මගින් අල්ගම මහතා එක්සත් ජාතික පක්ෂයට පමණක් නොව ලෝකයටම පෙන්නුම් කර ඇත.
එක්සත් ජාතික පක්ෂයේ වත්මන් ප්රතිසංවිධාන හරහා ශාඛා සමිතියේ බිම් මට්ටමේ සිට පක්ෂය ශක්තිමත් වෙනවා ද, එසේත් නැත්නම් තනතුරු ලබා ගැනීමේ පොරයක් පවතිනවා ද කියා අප කතා කළ යුතු නැති බව මෙම සිද්ධියෙන් කියෑවෙයි.
එහෙත් මේ අවාසනාවන්ත සිද්ධිය නිසා අද එක්සත් ජාතික පක්ෂය තනි වී නැත. පක්ෂය බෙදීමේ ප්රතිසංවිධාන වැඩපිළිවෙළ නතර වී ද නැත. අද සිදුව තියෙන්නේ ආදරණීය බිරිඳකට සැමියා අහිමිවීමත් දරුවන් තිදෙනාට සිය පියා අහිමිවීමත් පමණි.
රියන්සි අල්ගම මහතාගේ මේ අවාසනාවන්ත සිද්ධිය තවත් අයකුට හෝ පිරිසකට අත්විඳීමට ඉඩ නොතබා පක්ෂයට ආදරය කරන පාක්ෂිකයන්ගේ වටිනාකම මැනවින් අවබෝධ කර ගෙන පටු දේශපාලන වාසිවලට වඩා පක්ෂයේ උන්නතිය වෙනුවෙන් සියලු දෙනාට එකමුතු වීමට ආදර්ශයක් වනු ඇත. නමුත් මෙලෙස සිය දිවි නසා ගැනීමෙන් ප්රශ්නවලට විසඳුම් ලබාගත නොහැකි බවත් එමගින් සිදුවන්නේ තම ඥතීන් හිතමිතුරන් තනිවීම පමණක් බවත් පාක්ෂිකයන් මෙන්ම සියල්ලෝම දැනගත යුතුයි.
|
ඩෙංගු මරණ 26 ක්
7-27-2010
මෙම මාසය තුළදී දිවයිනෙන් ඩෙංගු රෝගීන් තුන්දහස් පන්සිය තිස් පස් දෙනකු වාර්තා වී ඇති අතර ඩෙංගු මරණ විසි හයක් සිදුව ඇතැයි වසංගත රෝග අංශය පවසයි.
මෙම සංඛ්යාවත් සමගම මෙම වසර තුළදී මෙතෙක් දිවයිනෙන් වාර්තා වී ඇති මුළු ඩෙංගු රෝගීන්ගේ සංඛ්යාව විසිදෙදහස් තුන්සිය පනස් පස්දෙනා දක්වා ඉහළ ගොස් ඇති අතර ඩෙංගු මරණ සංඛ්යාව එකසිය හැට හතරකි.
මේ අතර ඩෙංගු මදුරු කීටයන් විනාශ කරලීම සඳහා දේශීය වශයෙන් නිපදවා ඇති බීටීඅයි බැක්ටීරියාව සති කිහිපයක සිට ළඟදීම වෙළෙඳපොළට නිකුත් කරන බවට සෞඛ්ය බලධාරීන් පවසා සිටියද තවමත් එම බැක්ටීරියාව වෙළෙඳපොළට නිකුත් කර නොමැති අතර කියුබාවෙන් ආනයනය කර ඇති බීටීඅයි බැක්ටීරියා ලීටර් දස දහසක තොගයක් ලබන මස මැද භාගයේදී මෙරටට ලැබීමට නියමිතය.
|
රුහුණ සරසවි සිසුවා මියයයි
7-23-2010
පොලිසිය පහර දුන් බව මියගිය ශිෂ්යයා
දියතලාව රෝහල් පොලිසියට කටඋත්තර දීලා
ශිෂ්යයකු තමාට පහර දුන් බව මියගිය
ශිෂ්යයා තම මවට කියලා
- පොලිසිය කියයි
නිලන්ත මදුරාවල, හේමන්ත රන්දුණු,
දෙනගම - ධම්මික රණවීර මාතර චJද්රදාස කොඩිතුවක්කු
පොලිස් පහර දීමකට ලක් වූ බව කියන රුහුණ විශ්වවිද්යාලයීය මානව ශාස්ත්ර පීඨයේ අවසන් වසර සිසුවකු පෙරේදා (22 වැනිදා) රාත්රියේ මිය යැම හේතුවෙන් සිසුන් අතර දැඩි නොසන්සුන්තාවක් උද්ගතව තිබේ.
බුත්තල, උණාවටුන පදිංචි සුසන්ත අනුර බණ්ඩාර නමැති මෙම සිසුවා මියගොස් ඇත්තේ බදුල්ල මහා රෝහලේ ප්රතිකාර ලබමින් සිටියදීය. පසුගිය ජුනි මස 18 වැනිදා පොලිස් පහරදීමකට ලක් වූ බව කියන සුසන්ත ඊට පසු දින දියතලාව රෝහලට ඇතුළත්ව දින තුනහමාරක් එහි නේවාසිකව ප්රතිකාර ලබා තිබේ. ඉන්පසුව සුසන්ත බදුල්ල මහ රෝහලට ඇතුළත්ව ප්රතිකාර ලබමින් සිට ඇත.
රෝහල් ගත වන අවස්ථාවේ ඔහු රෝහල් පොලිසියට ප්රකාශ කර ඇත්තේ තමා පොලිස් පහරදීමකට ලක්වූ බවය.
තත්ත්වය එසේ තිබියදී තමන්ට සිසුවෙක්ද පහර දුන් බව මියයැමට පෙර දිනයේ සුසන්ත සිය මවට පවසා ඇතැයි පොලිසිය සඳහන් කරයි.
කෙසේ වුවද සුසන්ත බණ්ඩාර මිය ගියේ පොලිස් පහර දීමකට ලක්ව බව පවසමින් රුහුණ විශ්වවිද්යාල සිසුහු ඊයේ දහවල් මාතර නගරයේදී උද්ඝෝෂණයකද නිරත වූහ.
රෝහල්ගතව සිටියදී සිසුවකු මියගොස් ඇති බව දන්නා නමුත් ඔහුගේ මරණ පරීක්ෂණ වාර්තාව ලැබී නොමැති හෙයින් ඒ පිළිබඳ කිසිවක් ප්රකාශ කළ නොහැකි යෑයි මේ සම්බන්ධයෙන් අප කළ විමසුමකට පිළිතුරු දුන් රුහුණ විශ්වවිද්යාලයීය නියෝජ්ය උප කුලපති මහාචාර්ය ගාමිණි සේනානායක මහතා පැවසීය.
එම විශ්වවිද්යාලයීය මහා ශිෂ්ය සංගමයේ ලේකම් දුමින්ද තාරක කියා සිටියේ මාතර විපුල එදිරිරත්න පිරිමි නේවාසිකාගාරය අසලදී සුසන්ත පොලිස් පහරදීමකට ලක්ව ඇති බවය.
"ජාතික ශිෂ්ය වීර දිනයට සැරසිලි කරමින් සිටි සිසුන් පිරිසකට ජුනි මස 16 වැනිදා පහර දීමක් සිදු වුණා. වරින්වර එලෙස පහර දීම සිදුවන නිසා විශ්වවිද්යාල භූමියේ නේවාසිකාගාර පහසුකම් ලබා දෙන ලෙස බල කරමින් උද්ඝෝෂණය කළා. අපි රැඳී සිටියේ විශ්වවිද්යාල භූමියේ. ජුනි 18 වැනිදා සියලුම අධ්යයන කටයුතු නතර කළා. අපිට විශ්වවිද්යාල භූමියෙන් ඉවත් වන ලෙස දැනුම් දුන්නා. නේවාසිකාගාරවලට ගොස් සිසුන්ගේ ඇඳුම් පැළඳුම් රැගෙන නිවෙස්වලට යැමට සූදානම් වීම සඳහා පොලිස් ආරක්ෂාව ලැබුණා. විපුල එදිරිරත්න නේවාසිකාගාරයට සිසුන් පස්දෙනා බැගින් ගොස් නිවෙස්වලට යැමට සූදානම් වුණා. සිසුන් පස්දෙනා බැගින් නේවාසිකාගාරයට යන විට එහි ඉදිරිපිට සිසුන් සංඛ්යාව ක්රමයෙන් අඩු වුණා. පොලිසිය පහර දුන්නේ එලෙස සිසුන් අඩුවීමෙන් පසුවයි යනුවෙන් ද තාරක සඳහන් කළේය.
සුසන්ත ද එතැන සිට ඇති අතර ඔහුට පොලිසිය බැටන් පොල්ලකින් විසි කර පහර දී ඇති බවත් එය ඔහුගේ හිසට වැදී ඇති බවත් හෙතෙම පැවසීය.
සිද්ධිය පිළිබඳ පරීක්ෂා කිරීම සඳහා අපරාධ පරීක්ෂණ දෙපාර්තමේන්තුවේ නිලධාරි කණ්ඩායම් 2 ක් යොදා ඇති අතර දකුණු පළාත භාර ජ්යෙෂ්ඨ නියෝජ්ය පොලිස්පති කිංස්ලි ඒකනායක මහතාගේ උපදෙස් මත පරීක්ෂණ පැවැත්වේ.
|
දැරියකගෙන් ජනපති ආර්යාවට පැමිණිල්ලක්
7-23-2010
(කොළඹ-ලංකාපුවත්) ළමා හා කාන්තා හිංසනය පිළිබඳ පැමිණිලි ඉදිරිපත් කිරීම සඳහා පැය 24 පුරාම ක්රියාත්මක දුරකථන සේවාවක් ඊයේ (22) ජනාධිපති ආර්යා ශිරන්ති රාජපක්ෂ මහත්මියේ ප්රධානත්වයෙන් ආරම්භ විය.
ඒ අවස්ථාවේදී මෙම අංකයට අමතා පළමුවෙන්ම ශිරන්ති රාජපක්ෂ මහත්මියට පැමිණිල්ලක් ඉදිරිපත් කළේ අවිස්සාවේල්ල ප්රදේශයේ පදිංචි තරුණියකි.
තම මව විදේශගතව සිටින බවත් තම පියාගෙන් හා බාප්පාගෙන් තමාට නිතරම හිරිහැර සිදුවන බවත් ඇය මෙහිදී ප්රකාශ කර සිටියාය.
පසුගියදා පැවති කැබිනට් රැස්වීමකදී ජනාධිපති මහින්ද රාජපක්ෂ මහතා ප්රකාශ කර සිටියේ, ආණ්ඩු පක්ෂයේ හා විපක්ෂයේ සියලු පාර්ලිමේන්තු මන්ත්රීවරියන් කැඳවා දරුවන්ගේ හා කාන්තාවන්ගේ ආරක්ෂාව සම්බන්ධයෙන් විශේෂ වැඩපිළිවෙලක් ක්රියාත්මක කිරීමට කටයුතු යෙදිය යුතු බවය.
පක්ෂ විපක්ෂ භේදයකින් තොරව මෙම කටයුත්ත සිදු කිරීමේ අවශ්යතාවයද ජනාධිපතිවරයා එහිදී පෙන්වා දී ඇත.
මව්වරුන් විදේශගතවන පවුල්වල සිටින ගැහැණු දරුවන්ගේ ආරක්ෂාව සම්බන්ධයෙන් මෙහිදී වැඩි වශයෙන් අවධානය යොමු කිරීමේ වැදගත්කමද රාජපක්ෂ මහතා අවධාරණය කළේය.
මේ අතර ඊයේ විවෘත කළ 1929 ළමා උපකාර සේවාව ඔස්සේ පැමිණිලි 800කට අධික ප්රමාණයක් මේ වන විට ලැබී ඇති බවත් එයින් ළමා අපයෝජන සම්බන්ධයෙන් ලැබී ඇති පැමිණිලි සංඛ්යාව 65ක් බව ජාතික ළමා ආරක්ෂක අධිකාරිය පැවසීය.
|
ලාංකිකයන්ට පොදු සමා කාලයක්
7-23-2010
නිත්යනුකූල නොවන අයුරින් ලෙබනනයේ රැඳීසිටින ශ්රී ලාංකික ශ්රමිකයන්ට යළි මෙරටට පැමිණීම සඳහා ලෙබනන් රජය පොදු සමා කාලයක් ලබාදී ඇතැයි විදේශ සේවා නියුක්ති කාර්යාංශය පවසයි.
|
උණහපුළුවා හමුවෙයි
7-20-2010
(කොළඹ, ලංකාපුවත්, ජුලි 19) – ශ්රී ලංකා කඳුකර උණහපුළුවා නම් වදවීමේ තර්ජනයට ලක්ව ඇති දුර්ලභ ගණයේ සත්ව විශේෂය වසර 72කට පසු නුවරඑළිය හෝර්ටන්තැන්නේදී යළිත් හමුව ඇත.
කොළඹ විශ්ව විද්යාලයේ හා කොළඹ විවෘත විශ්ව විද්යාලයේ පර්යේෂණ කණ්ඩායමක් මෙම සත්ව කොටස පිළිබඳව සිදු කළ පර්යේෂණයකදී ඔවුනට මෙම කඳුකර උණහපුළු විශේෂයට අයත් සතුන් කිහිපදෙනෙකු හමුවූ බව මෙහි ප්රධාන පර්යේෂණ නිලධාරී සමන් ගමගේ මහතා ලංකාපුවත් සේවයට පැවසීය.
එම සතුන් අතරින් එක් අයෙක් අල්ලාගෙන ඔහු පිළිබඳව පරීක්ෂණ කටයුතු සිදුකර ඡායාරූපයට ද නැගීමෙන් අනතුරුව නැවත වනාන්තරයට මුදා හැර ඇත.
උණහපුළු විශේෂ ප්රධාන වශයෙන් කොටස් දෙකකට වෙන් කළ හැකත ඒ රතු සහ අලු උණහපුළු සත්ව ප්රභේද ලෙසිනි.
සමන් ගමගේ මහතා කියා සිටියේ දැනට තිබෙන දත්ත අනුව වසර 72කට පමණ පසුව මෙම උණහපුළු වර්ගය යළිත් සොයා ගැනීමට හැකිවුණු බවය. ශ්රී ලංකා කඳුකර උණහපුළුවා, එම රතු උණහපුළු වර්ගයේ උප විශේෂයක්වේ.
ශ්රී ලංකා කඳුකර උණහපුළුවා පිළිබඳව මුල්වරට හඳුනාගෙන ඇත්තේ 1939 වර්ෂයේදී විදේශිකයෙකු විසිනි. ඉන්අනතුරු මෙම සත්වයා නැවත දැකගැනීමට ලැබී නැත.
මෙම කඳුකර උණහපුළුවා ලෝකයේ වඳවී යෑමේ වානර විශේෂ 25 අතරටද අයත් වන බව සමන් ගමගේ මහතා කීය. එමෙන් මෙම උණහපුළු විශේෂය දුර්ලභ ගණයේ ක්ෂීරපායී සත්ව කොට්ඨාසයක් ලෙසින්ද සැලකේ.
එමෙන්ම මෙම සත්වයා සාමාන්යයෙන් ජීවත්වන්නේ මීටර් 1800 ට වැඩි උසකින් යුක්ත ප්රදේශවල බවත් තවදුරටත් මෙම සතුන් පිළිබඳව පර්යේෂණ කටයුතු සිදුකරන බව ද ගමගේ මහතා ප්රකාශ කළේය.
අදාළ පර්යේෂණ භාර ප්රධාන නිලධාරියා ලෙස විවෘත විශ්ව විද්යාලයේ ආචාර්ය යූ. කේ. ජී. කේ. පද්මලාල් මහතා සහ කොළඹ විශ්ව විද්යාලයේ මහාචාර්ය සරත් කොටගම මහතා කටයුතු කර ඇති ඔවුන් ඇතුළු කණ්ඩායම මේ සම්බන්ධයෙන් තවදුරටත් පරීක්ෂණ කරනු ලැබේ.
|
කොළඹ කුණු ඉවත් කිරීම හඳට යන තරම් අමාරු නැහැ
7-20-2010
(කොළඹ-ලංකාපුවත්) කොළඹ නගරයට හිසරදයක් විතරක් නොව සමස්ත රටේම සුන්දරත්වයට හානියක් වෙලා තියෙන කුණු ප්රශ්නයට අත දාන්න, බැරිම තැන ආරක්ෂක ලේකම් ගෝඨාභය රාජපක්ෂ මහතා මැදිහත් වී සිටී.
ඒ අනුව එතුමා පසුගියදා රැස්වීමක් කැඳවීය. මේ රැස්වීමට කොළඹ මහ නගර සභාවේ විශේෂ කොමසාරිස් ඕමාර් කාමීල් මහතා ඇතුළු කොළඹ නගර සභාවේ කුණු ඉවත් කිරීමේ කොන්ත්රාත්තුව භාර අරගෙන සිටි සියළුම පෞද්ගලික ආයතනවල බලධාරීන් කැඳවා තිබුණි.
මෙම රැස්වීමේ මුලසුන දැරූ ගෝඨාභය රාජපක්ෂ මහතා කතාව ආරම්භ කරමින්... “ අපට කුණු ඉවත් කරන්න අවශ්ය සියළුම දේවල් තියෙනවා. ආයතන, සේවකයින්, වාහන ඇතුළු කුණු එකතු කිරිමට අවශ්ය හැමදෙයක්ම වගේම කුණු දාන්න තැනුත්. එහෙම තියෙද්දි ඕගොල්ලන්ට බැරිද මේ කොළඹ හැමතැනම දාලා තියෙන කුණු ටික පිළිවෙලකට ඉවත් කරන්න.”
එවිට කුණු ඉවත් කිරීම භාරගෙන සිටි කොන්ත්රාත් ආයතනයක ප්රධානියෙක් පිළිතුරු දෙමින්
“Sir, We can do,. But…” යනුවෙන් කියනවාත් සමගම වහාම කොමසාරිස්වරයා වෙත හැරුණු ගෝඨාභය රාජපක්ෂ මහතා මෙසේ ඇසීය.
“කමිෂනර්.. අපි මෙයාට කුණු ඉවත් කිරීමේ කොන්ත්රාත්තුව දුන්නේ ‘But’ එක්කද ?”
“ නැහැ සර්, But එක දුන්නේ නැහැ..” කොමසාරිස්වරයා වහා පිළිතුරු දුන්නේය.
ඒ සමගම ගෝඨාභය මහතා දැඩි ස්වරයෙන් .. “ ඔයගොල්ලො කුණු ඉවත් කිරීම හඳට යනවා වගේ අමාරු වැඩක් කරගෙන. ඒත් ඒක හඳට යනවා වගේ අමාරු නැහැ.. ” ආදී වශයෙන් කුණු පැහැර හැරිය සියල්ලන්ටම වදින සේ කරුණු දැක්වීය.
එවිට රැස්වීමේ සිටි පිරිස් එකිනෙකාට චෝදනා කරමින් කුණු ඉවත් කිරීමට නොහැකි වීමේ හේතු දක්වන්නට විය.
“ මට තියරි එපා, මේ කුණුවලට අදාල සියළු ආයතනයන් එකතු වෙලා කුණු එකතු කරන්න ඕන, අතු ගාන්න ඕන, අදාළ තැන්වලට ගෙනියන්න ඕන, නිසි පරිදි ඒවා අයින් කරන්න ඕන.”
“මම මේකට පාරිසරික පොලීසියක් දානවා. අනුර සේනානායක මහත්තයව ඒකේ DIG ලෙස පත් කරනවා. ඒගොල්ලන්ට කියනවා මේ ගැන හොයන්න කියලා. පාරට කුණු දාන මොන ජගතා වුනත් කමක් නෑ ඔවුන්ව අත්අඩංගුවට ගන්න කියනවා. ඒ වගේම කඩයක් ඉස්සරහ කුණු තිබුණොත් ඒ කඩ මුදලාලිවයි අත්අඩංගුවට ගන්න කියන්නේ.” ආරක්ෂක ලේකම්වරයා මෙලෙස කියාගෙන ගියේද දැඩි ස්වරයෙනි.
මේ රැස්වීමේදී මෙන්ම පසුවත් කොළඹ කුණු ඉවත් කිරීම සම්බන්ධයෙන් ආරක්ෂක ලේකම්වරයා දිගින් දිගටම අවධානයෙන් පසුවිය. ඒ අනුව කොළඹ සුගතදාස ක්රීඩාංගණය අසළ ඇළේ තිබූ කැලිකසළ ද නාවික භටයින් ලවා ඉවත් කර ඇළ සුද්ද කරවූ හෙතෙම පසුව එහි කුණු දැමූවන් අත්අඩංගුවට ගන්නා ලෙස පොලීසියට දැන්වීය.
එමෙන්ම, අද (17) උදෑසන ආරක්ෂක ලේකම්වරයාගේ ‘ඩියුටිය’ වූයේ කොළොන්නාව මීතොටමුල්ලේ කුණු දැමීම සඳහා, කලින් දා වෙන් කළ ස්ථානය නිරීක්ෂණය කිරීමය.
මේ අයුරින් දැන් ආරක්ෂක ලේකම්වරයා ඉන්නේ කුණු ගැන ‘ඇලර්ට්’ එකේය. යුද්ධයේදී යුද්ධය මනාව කළමනාකරණය කර අවසන් කළා සේම, ආරක්ෂක ලේකම්වරයා කුණු කළමනාකරණය තුළින් කොළඹ කුණු ප්රශ්නය ජයගනු ඇතැයි තතු දන්නෝ දැන් දැන් පවසති.
|
මුරලි පන්දුව දමා ගසන්නෙක්
7-20-2010
මුත්තයියා මුරලිදරන් යනු අභියෝග හමුවේ නොසැලී ලොවක් ජයගත් සුපිරි ක්රිකට් ක්රීඩකයකු බව එංගලන්ත හිටපු ක්රිකට් නායක සහ ජනප්රිය ක්රිකට් විස්තර විචාරක ටෝනි ග්රෙග් "දිවයින"ට ඊයේ පැවසීය.
"මුරලිට ඔහුගේ ක්රිකට් දිවියේ දී නොයෙකුත් අභියෝගවලට මුහුණ දෙන්න සිදු වුණා. ඒ කිසි විටෙක මුරලි කලබලයට පත් වුණේ නැහැ ඔහුගේ දුස්aරා පන්දුව ක්රිකට් ක්රීඩාව නව මාවතකට ගෙන ගියා. මුරලි දුස්aරා පන්දුව යවන විට බොහෝ දෙනා ඔහු පන්දුව දමා ගසන්නෙක් බවට චෝදනා නැගුවා. මුරලිට කවුරු මොනව කිව්වත් ඔහු දක්ෂ පන්දු යවන්නෙක්. ඔහු කිසිදු විටෙක පන්දුව දමා ගැසුවේ නැහැ. ෂේන් වෝන් සහ මුරලි ලෝකයේ පහළ වූ සුපිරිම දඟ පන්දු යවන්නන් දෙදෙනා. ඒ අතරිනුත් මුරලි ඉදිරියෙන් ඉන්නවා. ප්රශ්න හමුවේ මුරලි හැම විටම සිනහවෙන් පිළිතුරු දුන් ආකාරය ඉතා විශ්ෂ්ටය. එය මා ඔහුගේ දකින විශේෂත්වයයි. යනුවෙන් ටෝනි ග්රෙග් පවසයි.
මුරලි පිළිබඳ වැඩිදුරටත් ප්රසංශා මුඛයෙන් කතා කළ ටෝනි ග්රෙග්, මුරලි ඉදිරියේ ලොව ඕනෑම පිතිකරුවෙක් අපහසුතාවට පත්වෙනවා. මුරලි තරම් පිතිකරුවන් අසරණ කරන පන්දු යවන්නෙක් මා කිසි දිනක දැක නැහැ. මුරලිගේ දැවැන්ත දඟ කැවීම හමුවේ පිතිකරුවන් අසරණ වෙන ආකාරය ප්රේක්ෂකයන්ව සතුටට පත් කරවන්නක්. එවැනි පන්දු යවන්නකුට දමා ගසන්නෙක් යනුවෙන් චෝදනා නැඟීම සිනහ යන කරුණක්" යනුවෙන් ටෝනි ග්රෙග් පවසයි.
ශ්රී ලංකාවට මුරලිගේ අඩුව පිරවිමට හැකි පන්දු යවන්නෙක් ඉක්මණින්ම සොයා ගන්න වේවි. 1996 ලෝක කුසලාන දිනාගත් අවස්ථාවේ සිට ශ්රී ලංකාව ජාත්යන්තර ක්රිකට් කරළියේ ඉහළටම පැමිණියා. කළු සහ සනත්ගේ ආරම්භක ජවනිකාව මෙන්ම අරවින්ද ගේ පිති හරඹ ඒ අවදියේ ශ්රී ලංකාවට ජය ගෙනෙද්දී මුරලි සහ වාස් පන්දු යවන්නන්ගේ හිඩැස පිරවූ බව ද ටෝනි ග්රෙග් අවසන් වශයෙන් පැවසීය.
කඩින් කඩ ගාලු ජාත්යන්තර ක්රීඩාංගණයට සහ ඒ අවට ප්රදේශයට ඇද හැළුනු ධාරානිපාත වර්ෂාව හේතුවෙන් ශ්රී ලංකාව සහ ඉන්දියාව අතර පැවැත්වෙන පළමු ටෙස්ට් ක්රිකට් තරගයේ 2 වැනි දිනය වූ ඊයේ තරගය පැවැත්වීමට නොහැකි විය.
විටින් විට තරගය ආරම්භ කිරීම සඳහා පිටිය වැසි ආවරණ ඉවත් කළද ඒ සමග නැවතත් වර්ෂාව ඇතිවීමෙන් ඊයේ ප. ව. 3.15 ට දිනයේ තරගය අත්හැර දැමිමට සිදු වූ බව තරග තීරක ඇන්ඩි සෙයික්රෙන්ට් නිවේදනය කළේය.
පෙරේදා තරගය ආරම්භක දිනයේදී පන්දුවාර 22 ක්ද ඊයේ දිනයේ පන්දුවාර 90 ක්ද අහිමිවීම තරගයේ තීරණයක් ලබා ගැනීම සඳහා ප්රබල අවාසියක් විය. කඩුලු 2 ට ලකුණු 256 ක් ලබා සිටින ශ්රී ලංකා කණ්ඩායමේ තරංග පරණවිතාන (නොදැවී 110) සහ මහේල ජයවර්ධන (නොදැවී 8) කඩුල්ලේ රැඳී සිටිති.
මේ අතර, මෙම ජූලි 19 දා (සඳුදා) දිවයින ක්රීඩා පිටුවේ "මේවා දකිනකොට ඇස් දෙකට කඳුලු එනවා" යන සිරසින් යුතුව පළවූ ප්රවෘත්තියේ "ඕස්ටේ්රලියාවේ ලෝක පූජිත ක්රිකට් ක්රීඩකයකු වුවත් ටෝනි ග්රෙග්" ලෙස පළවූයේ ප්රමාද දෝශයකිනි.
1946 දකුණු අප්රිකාවේ ක්වීන්ස්ටවුන්හි උපන් ටෝනි ග්රෙග් පසු කළෙක එංගලන්තයට පැමිණ සසෙක්ස් ප්රාන්තය නියෝජනය කරමින් දැක්වූ තුන් ඉරියව් දක්ෂතා වල ප්රතිඵලයක් ලෙසින් ඔහුට එංගලන්ත ජාතික කණ්ඩායමේ සාමාජිකත්වය හිමිවිය.
ලොව ප්රබලම පන්දු යවන්නන් සිටි යුගයක් ලෙස සැලකෙන 70 දශකයේ මැද භාගයේ ඒ සියලු පන්දු යවන්නන් ඉදිරියේ නොසැලෙන පිතිහරඹයක යෙදුණු ක්රීඩකයකු ලෙස ගෞරවයට පත් ටෝනි පසුව එංගලන්ත කණ්ඩායමේ නායකත්වයට ද පත්විය.
එංගලන්තය නියෝජනය කරමින් ටෙස්ට් තරග 58 කට සහභාගි වී ලකුණු 3,599 ක් ලබා ඉනිමක සාමාන්ය 40.83 ක් ලෙස ඉහළ අගයක් රඳවාගත් හෙතෙම සිය මදවේග සහ පිටදඟ පන්දුවෙන් ටෙස්ට් කඩුලු 141 දවා ගැනීමට සමත්වූවෙකි.
|
වාහන ඉවතට
7-16-2010
පරිසර දූෂණය වන අයුරින් කළු දුම මුදාහරින රථවාහන ධාවනයෙන් ඉවත් කිරීමට මාතලේ පොලිසිය විශේෂ මෙහෙයුමක් ආරම්භ කර තිබේ. අධික ලෙස කළු දුම මුදාහරින රථවාහන හේතුවෙන් සිදුවන පාරිසරික බලපෑම ඉහළ යාම සැලකිල්ලට ගනිමින් මෙම තීරණය ගෙන ඇති බව සඳහන්ය.
මෙවැනි වාහන වැටලීම සඳහා විශේෂ පොලිස් කණ්ඩායම් කිහිපයක් යොදවා ඇති බව ද පොලිසිය පවසයි. මාතලේ නගරය ආශ්රිතව මෙවැනි රථවාහන විශාල ප්රමාණයක් ඇති බවට සමීක්ෂණයකින් හෙලි වී ඇතැයි මාතලේ කොට්ඨාශ භාර ජ්යෙෂ්ඨ පොලිස් අධිකාරී තිලක් අබේසිරිවර්ධන මහතා සඳහන් කළේය.
|
ශ්රී ලාංකික 40 ක් ඉරාකයේදී මරුට
7-16-2010
උතුරු ඉරාකයේ හෝටලයක් තුළ ඇති වූ ගින්නකින් ශ්රී ලාංකික විදුලි සංදේශ ඉංජිනේරුවකු ඇතුළු 40 දෙනෙකු ජීවිතක්ෂයට පත්ව ඇතැයි AFP විදෙස් මාධ්ය උපුටා දක්වයි.
මොවුන් සේවය කළ විදුලි සංදේශ සමාගමේ සභාපතිවරයා සඳහන් කරන අන්දමට විදුලි සංදේශ ඉංජිනේරුවන් සිව්දෙනෙකු ජීවිතක්ෂයට පත්ව ඇතැයිද ශ්රී ලාංකියා හැරුණු විට ඉතිරි තිදෙනා කාම්බෝජය,ඉරාකය හා පිලිපීනයේ අයවළුන් බව සඳහන් වේ.
බෑග්ඩෑඩ් නගරයට කි.මී.270 ක් උතුරින් පිහිටි සුලෙයිමානියානගරයේ පිහිටි හෝටලයක එරට වේලාවෙන් ප.ව 10.30 ට පමණ මෙම ගින්න ඇතිවුණු බවත්,එයින් තවත් ඉරාක ජාතීන් දෙදෙනෙකු තුවාල ලබා ඇති බවත් විදුලි සංදේශ සමාගමේ සභාපති ෆරක් මුලා මුස්තාපා මහතා පවසා තිබේ.
මෙය ත්රස්තවාදී ප්රහාරයක් නිසා ඇති වූ ගින්නක් නොව විදුලි කාන්දුවීමකින් සිදුවූවක් බවටත් සිදුවීම පිළිබඳ ප්රළුල් පරීක්ෂණයක් ආරම්භ කර ඇති බවත් ඉරාක අභ්යන්තර ආරංචි මාර්ග සඳහන් කරයි.
|
විල්පත්තුව සංවර්ධනයට බිලි
7-13-2010
වසර තිහක කාලයක් පැවැති රුදුරු එල්ටීටීඊ ත්රස්තවාදය අද වන විට සම්පූර්ණයෙන් ම තුරන් කර ඇත. රටේ සංවර්ධනය, ප්රජාතන්ත්රවාදය හා සිවිල් ජන ජීවිතය නැවත ප්රශස්ථ මට්ටමකට ගෙන ඒමට ඒ ඔස්සේ හොඳ අවස්ථාවක් උදා වී තිබේ. නිවැරැදි ලෙස සැලසුම් සකස් කර ක්රියාත්මක කිරීම මඟින් සමෘද්ධිමත් දේශයක් ගොඩනැඟීමට වර්තමානය හොඳ අවස්ථාවක් සපයයි. මානුෂීය මෙහෙයුමෙන් දිනා ගත් නිදහස, යථාර්ථයක් බවට පත් කළ හැක්කේ ද මෙවන් නිසි සැලසුමක් මඟිනි.
වර්තමානයේ සිදු වන ක්රියාකාරකම් දෙස විශ්ලේෂණාත්මකව බැලීමේ දී පෙනී යන්නේ රුදුරු එල්.ටී.ටී.ඊ. ත්රස්තවාදීන් ගෙන් මුදා ගත් උතුර හා නැඟෙනහිර ප්රදේශවල පරිසරය සංවර්ධනයේ නාමයෙන් වැනසීමේ අවදානමකට මුහුණ පා ඇති බවකි. සංවර්ධනය යන්න හරිහැටි වටහා නො ගත් පිරිස්, වනාන්තර එළි කිරීම සංවර්ධනය සේ දකිමින් උතුරු හා නැඟෙනහිර වනාන්තර සියල්ල පියවරෙන් පියවර කෙළෙසමින් සිටියි. ඒකාබද්ධ සැලසුමකින් තොර ව එක් එක් රාජ්ය ආයතන තමන් ගේ හිතුමනාපයට උතුර හා නැඟෙනහිර සංවර්ධනය යෑයි කියාගන්නා ඊනියා ක්රියාමාර්ග ගනිමින් සිටියිs. මෙය දරුණු ෙ�දවාචකයකි.
ඩෝසර් යන්ත්ර භාවිතයෙන්
එළිකර ඇති වනාන්තර පෙදෙස්.........
පරිසර නීති සියල්ල අභිබවමින් හා තුට්ටුවකට මායිම් නො කරමින් ලංකාවේ පැරැණිතම හා විශාලතම ජාතික වනෝද්යානය නැත හොත් වන සත්ත්ව අභයස්ථානය වන විල්පත්තුව ජාතික වනෝද්යානය කෙළෙසීම ද මේ අමනෝඥ ක්රියාදාමයේ ම කොටසක් ලෙස හැඳින්විය හැකි ය. පුත්තලම හා මන්නාරම අතර සම්බන්ධතාව ඇති කිරීම සඳහා යෑයි සඳහන් කරමින් විල්පත්තුව ජාතික වනෝද්යානය හරහා වනාන්තර, විල්ලූ හා පුරාවස්තු පිරි භූමි ප්රදේශ වනසමින් මාර්ග දෙකක් ඉදි කර ඇත. විල්පත්තුව ජාතික වනෝද්යානය හරහා ඉදි කළ, සාවද්ය ලෙස පරණ මන්නාරම මාර්ගය යෑයි සඳහන් කරන මේ මාර්ගයේ දිග වනෝද්යානය තුළ දී පමණක් කිලෝමීටර 35කි. මේ මාර්ගය එළුවන්කුලම ප්රදේශයේ කලාඔයෙන් (විල්පත්තුව ජාතික වනෝද්යානයේ දකුණු මායිමෙන්) ආරම්භ වන අතර උප්පුආරු (මෝදරගම් ආරු), පූකුලම් ප්රදේශය දක්වා (විල්පත්තු ජාතික වනෝද්යානයේ උතුරු මායිම) විහිදේ. කලාඔයේ සිට කරුවලකුඩා, පොම්පරිප්පු, පෙරිය ඔප්පුවිල්ලූ, පෙරියවිල්ලූ, සින්න ඔප්පුවිල්ලූ, මොල්ලිකුලම, මයිලවිල්ලූ, කාලිවිල්ලූ, පූකුලම් හරහා මෝදරගම්ආරු දක්වා ජාතික වනෝද්යානය තුළ මේ මාර්ගය ඉදි කර ඇත. මේ මාර්ගයේ සිට වනාන්තරය තුළට තවත් මාර්ග ජාලයක් ඉදි කර තිබේ. මේ මාර්ගය ඉදි කිරීම සඳහා විල්පත්තුව ජාතික වනෝද්යානයේ වනාන්තර හා විල්ලූ ඉතා විශාල ප්රමාණයක් වැනසීම සිදු කර තිබේ. වනෝද්යානය තුළ තැනින් තැන වනාන්තර හා විල්ලූ පරිසරවල විශාල වළවල් හාරා මාර්ගය සැකසීමට පස් ලබා ගැනීම ද සිදු කර ඇත. පූකුලම් ප්රදේශයේ ජාතික වනෝද්යානය තුළ අක්කර 8කට වඩා වැඩි ප්රදේශයක වනාන්තර එළි කර පස් කඳු කපා, විශාල වළවල් හාරා මාර්ගය ඉදි කිරීමට පස් ලබාගෙන ඇත. මේ ප්රදේශයේ කොටියා හෙවත් දිවියන් ගැවසුණු බවට සාධක පවා අප ගේ නිරීක්ෂණයට ලක් විය. පස් ලබා ගැනීමට කැණීම් කළ මේ විශාල වළවල් අලි - ඇතුන් ගේ මර උගුල් වීමට අනාගතයේ දී බොහෝ දුරට ඉඩ ඇත.
විල්පත්තුව ජාතික වනෝද්යානයේ වනාන්තර හා පුරාවස්තු වනසමින් සිදු කරන නව මාර්ග ඉදි කිරීම් කටයුතු මෙතෙකින් නතර වී නොමැත. වර්තමානය වන විට විල්පත්තු ජාතික වනෝද්යානයේ වෙරළ තීරය දිගේ මන්නාරමේ සිට පුත්තලම දක්වා සම්බන්ධතාව ඇති කිරීමට අලුතින් තවත් මාර්ගයක් ඉදි කෙරෙමින් පවතී. එහි වැඩි කොටසක් මේ වන විට සකසා අවසන් කර ඇත. මාර්ගය හා මුහුදු වෙරළ අතර කලාපය සංචාරක පුරවරයක් බවට පරිවර්තනය කිරීමට ද සූදානමක් ඇත. ඒ සඳහා සියලූ සැලසුම් සකස් කර අවසන් ව ඇත. තව නොබෝ දිනකින් ම එම ක්රියාමාර්ග ද ආරම්භ වනු ඇත.
වෙරළබඩ මාර්ගය ඉදි කිරීම සඳහා විල්පත්තුව ජාතික වනෝද්යානයේ වෙරළ තීරයේ ව්යාප්ත ව ඇති වැලි කඳු, කටු පඳුරු සහිත ලඳු කැළෑ බිම්, වියළි මිශ්ර සදාහරිත වනාන්තර, වෙරළබඩ පරිසර පද්ධති සහ පුරාවිද්යාත්මක වටිනාකම් සහිත විශාල භූමි ප්රදේශ ඩෝසර් යන්ත්ර මගින් සම්පූර්ණයෙන් ම විනාශ කර දමා ඇත. කිලෝමීටර 40ක් පමණ විල්පත්තුව ජාතික වනෝද්යානය තුළ ව්යාප්ත ව ඇති මේ වෙරළබඩ මාර්ගය සැකසීමට මීටර 70කට වඩා පළලින් යුත් විශාල වනාන්තර තීරයක් ඩෝසර් කර තිබේ. විජය රජු ගොඩ බට තම්බපණ්ණිය, මහා ශිලා යුගයට අයත් පුරාවිද්යාත්මක වටිනා බිම් ප්රදේශ මේ දැවැන්ත මාර්ගය ඉදි කිරීම සඳහා හිත් පිත් නැති පුද්ගලයන් ඩෝසර් යන්ත්ර ආධාරයෙන් සම්පූර්ණයෙන් ම විනාශ කර දමා ඇත. වනාන්තරයෙන් වැසී පැවතුණු අප ගේ ඉතිහාසය, ගවේශනය කිරීමටත් ප්රථමයෙන් මේ ආකාරයෙන් කෙළෙසා දැමීමත් රටක් වශයෙන් අප කණගාටු විය යුතු කරුණකි.
විල්පත්තුවේ වනාන්තර විනාශය හා නීති විරෝධී ක්රියා මින් නැවතී නැත. වනෝද්යානය තුළ පූකුලම් හා මෝදරගංආරු හරහා ඉදි කරන මොල්ලිකුලම් පාලම අතර සීමාවේ කිලෝමීටරයක් පමණ දිගින් හා කිලෝමීටර 5ක පමණ පළලින් යුත් විශාල වනාන්තර ප්රදේශයක් කම්බි කණු යොදා වෙන් කර ඇත. ඊට අමතරව ඒ හා සම්බන්ධව පවතින ජාතික වනෝද්යානයේ මායිමේ පිහිටි අක්කර 1000කට වැඩි විශාලත්වයකින් යුත් වනාන්තර ප්රදේශයක් ද වෙරළ සීමාව ද ඇතුළත් වන පරිදි වෙන් කර ඇති ප්රදේශයට අයත් ය. එම වෙන් කර ඇති ප්රදේශය බහුල වශයෙන් අලි ඇතුන් ගැවසෙන ප්රදේශයකි. මේ ප්රදේශයේ වනාන්තරය කොටස්වලට වෙන් වන ආකාරයට මාර්ග ජාලයක් සකස් කර ඇත. මේ මාර්ග පද්ධතියේ සම්පූර්ණ දිග කිලෝමීටර 30ක් පමණ වන අතර පළල මීටර 10 - 15 අතර වේ. එම සම්පූර්ණ ප්රදේශයේ ම වනාන්තර, ඩෝසර් යන්ත්ර භාවිතයෙන් එළි කර ඇත. තවත් ස්ථානයක අක්කර 3ක පමණ භූමි ප්රදේශයක් පස් ලබා ගැනීම සඳහා වනාන්තරය එළි පෙහෙළි කර කැණීම් කර ඇත. මේ ප්රදේශයේ ජීවත් වූ නිජබිම් අහිමි වූ අලි - ඇතුන් මේ සකස් කළ මාර්ග දිගේ ගමන් කර ඇති බවට සලකුණු ප්රදේශය පුරා ම දැකගත හැකි ය. මේ තත්ත්වය ඉදිරියේ දී මේ ප්රදේශයේ අලි - මිනිස් ගැටුමක් නිර්මාණය කිරීමට සමත් ය. අලි - මිනිස් ගැටුම පාලනය සඳහා රටේ සංවර්ධනය පිණිස යෙදවීමට ඇති රුපියල් මිලියන ගණනක් වියදම් කරමින් සිටිය දී නැවතත් එම තත්ත්වය වර්ධනය වන ආකාරයේ ක්රියාමාර්ගවලට යොමු වීමක් මින් සිදු වේ. මින් අවසානයේ බලාපොරොත්තු වන්නේ කිනම් ආකාරයේ සංවර්ධනයක් දැයි අපට නොවැටහේ.
ත්රස්තවාදයෙන් මුදාගත් සිවිල් නීතිය ක්රියාත්මක වන ප්රදේශයක මෙවන් නීති විරෝධී ක්රියා සිදුවෙද්දීත් ඒ පිළිබඳව පෙන්වා දුන් විටදීත් ඇස් කන් නැත්තවුන් සේ බලධාරීන් මුනිවත රැකීම කණගාටුවට කරුණකි. ජාතික වනෝද්යානයක ඉඩම් මේ ආකාරයෙන් වෙන් කර ගත හැක්කේ කුමන නීතියක් යටතේ ද? මේ වනාන්තරය රුදුරු එල්.ටී.ටී.ඊ. ත්රස්තයන් ගෙන් මුදාගෙන සිවිල් පාලනයට නතු කළේ එල්.ටී.ටී.ඊ. සංවිධානය කළ දැවැන්ත හානියට වඩා වැඩි හානියක් පරිසරයට සිදු කිරීමට දැයි අපට නො වැටහේ.
කිසිදු සැලසුමකින් හෝ පරිසර හා වනජීවී ආරක්ෂණ උපාය මාර්ගවලින් හෝ තොර ව ඉතා අවිධිමත් ලෙස මේ මාර්ගය ඉදි කෙරෙමින් පවතී. ඒ සඳහා විල්පත්තුව පාලනය කරන වනජීවී සංරක්ෂණ දෙපාර්තමේන්තුවෙන් කිසිදු අවසරයක් හෝ විශේෂඥ උපදෙස් හෝ ලබාගෙන නැත. එපමණක් නො ව වනජීවී නිලධාරීන් ගෙන් වසන් කරමින් ඔවුන්ට වනෝද්යානය තුළට ඇතුළු වීමට ඇති අයිතිය පවා නො තකමින් මේ සංවර්ධන ක්රියාකාරකම් සිදු කෙරිණි.
අක්රමවත් පස් කැණීම් හා මාර්ගයේ පස් පිරවීම් හේතුවෙන් වර්ෂා කාලයේ දී ඒ ආශ්රිත ව පිහිටි විල්ලූමය තෙත් බිම් සියල්ල ගොඩ වීමට ලක් විය හැකි ය. මෙපමණක් නො ව වනෝද්යානය දෙකඩ කරමින් ගමන් ගන්නා මේ මාර්ගය හේතුවෙන් සමස්ත විල්පත්තු වනජීවී වාසස්ථානය සම්පූර්ණයෙන් ම දෙකඩ වීම සිදු වී ඇත. ඉන් සිදු වන ජෛවවිවිධත්ව හානිය සුළුපටු නො වේ. 2010 ජනවාරි මස 24 වැනි දින මේ මාර්ගය මහජනතාව සඳහා විවෘත වීමත් සමඟ ම මේ මාර්ගයේ වාහන ගමනාගමනය ඉතා අධික විය. මෙය ජනාකීර්ණ මාර්ගයක් බවට අද වන විට පත් ව ඇත. මේ හේතුවෙන් විල්පත්තුව ජාතික වනෝද්යානයේ ජීවත් වන සත්ත්ව ප්රජාව වනෝද්යානයේ කොටස් දෙකකට කොටු වී ඇත. අලි ඇතුන් ගේ වාසස්ථාන ඛණ්ඩනය වී ඇත.
කොටින් ගේ ගොදුරු බිම් ඛණ්ඩනය වීම හේතුවෙන් එම සතුන් ගේ ගහණ ඝනත්වයට දැඩි බලපෑම් එල්ල විය හැකි ය. මාර්ග අනතුරු හේතුවෙන් මිය යන සත්ත්ව ප්රජාව අධික වී ඇත. මේ මාර්ගය වාහන ගමනාගමනය සඳහා විවෘත කිරීමෙන් පසුව මාර්ග අනතුරු හේතුවෙන් මිය ගොස් ඇති සත්ත්ව විහේෂ ගණන අධික බව වාර්තා වී ඇත. මාර්ගය විවෘත කිරීමෙන් පසු ගෙවී ගිය කාලය තුළ මුවන්, වල් ඌරන් හා වලසුන් වාහනවලට හසු වී මිය ගොස් ඇති අතර පශ්චාත් මරණ පරීක්ෂණයක් හෝ ඒ පිළිබඳව වනජීවී සංරක්ෂණ නිලධාරීන්ට දැනුම් දීමක් හෝ නො කර ම වළ දමා ඇත. මීට අමතරව කුඩා සත්ත්ව විශේෂ බොහොමයක් ම නිරන්තරයෙන් වාහන අනතුරුවලට ලක් වීමෙන් මිය යැම සිදු වේ.
මීට අමතරව ජාතික වනෝද්යානය තුළ අලුතින් ඉදි කළ මාර්ගය භාවිත කරන ජනතාව වනෝද්යානයේ ගස්වැල්වලට හානි සිදු කරති. මේ දිනවල පලූ ශාකවල ඵල හටගන්නා කාලයයි. මේ පලූ ගෙඩි කැඩීම සඳහා ජාතික වනෝද්යානය තුළ මාර්ගය භාවිත කරන පිරිස පලූ ශාකවල අතු කැපීම සිදු කරති. ඒ සඳහා විවිධ හානිකර ක්රම ද භාවිත කරනු ලැබේ. ගස්වලට නැග පලූ අතුවල ලණු හෝ කඹ ගැට ගසා අනෙක් කෙළවර වාහනවල ගැට ගසා අදිනු ලැබේ. එවිට පලූ ගස්වල විශාල අතු පවා කැඩීම සිදු වේ. එම කපා දමා තිබූ අතුවල ලංකාවේ වියළි කලාපයේ දක්නට ලැබෙන වර්ණ ප්රභේද වැඩි ම ගණනක් සහිත රාස්සන (Vanda tessellata) උඩවැඩියා විශේෂය බහුලව තිබෙනු දැක ගත හැකි විය.
මීට අමතරව ජාතික වනෝද්යානය තුළ සකස් කර ඇති මාර්ගවලින් මිනිසුන් අනවසරයෙන් ඇතුළු වීම ද සිදු වේ. ඒ හේතුවෙන් ජාතික වනෝද්යානය තුළ වෙනත් අනවසර ක්රියා ද සිදු විය හැකි ය. මෙවන් හානිකර ක්රියා ජාතික වනෝද්යානය තුළ සිදු වන්නේ අනවසරයෙන් වනෝද්යානය තුළ මාර්ග ඉදි කර ජනතාවට ඇතුළු වීමට ඉඩ ප්රස්ථාව ලබා දීම හේතුවෙනි.
වනෝද්යානය තුළ අද වන විට මානව ක්රියාකාරකම් රැසක් සිදු වීම හේතුවෙන් හානිකර තත්ත්වයන් රැසක් දැකගන්නට ලැබී තිබේ. පසුගිය මාසයේ විල්පත්තුව ජාතික වනෝද්යානය තුළ ක්රියාත්මක ආරක්ෂක අංශවලට අයත් නිලධාරීන් ගේ වාහනවලින් දඩමස් ප්රවාහනය කර ඒවා කොන්ඩච්චි කුඩා ප්රදේශයේ වෙළෙඳසලක තිබිය දී හමු විය. මෙය අප ඉතා වගකීමෙන් යුතු ව ලියා තබන අතර ඒ පිළිබඳව සාක්ෂි සහිතව අප අදාළ අංශ දැනුවත් කර තිබේ.
ඉදි කළ නව මාර්ගය හේතුවෙන් ජාතික වනෝද්යානයට එල්ල වන මානව ක්රියාකාරකම්වල බලපෑම වනාන්තරය තුළට ද ව්යාප්ත ව ඇත. මේ මායිම් බලපෑම් කිලෝමීටර 35 ක් දිගින් යුත් මාර්ගය ඔස්සේ ජාතික වනෝද්යානය තුළටත්, කිලෝමීටර 40ක දිගින් යුත් වෙරළබඩ මාර්ගය ඔස්සේ ජාතික වනෝද්යානය තුළටත් ව්යාප්ත වේ. මෙය ජාතික වනෝද්යානය තුළ වනජීවී වාසස්ථාන දැවැන්ත ලෙස තර්ජනයට ලක් කිරීමට සමත් ය. එය වනාන්තරය තුළ ජෛව ප්රජාව ගේ පැවැත්මට අහිතකර ලෙස බලපෑම් එල්ල කරයි.
අලුතින් ඉදි කළ මේ මාර්ගය හේතුවෙන් ජාතික වනෝද්යානය තුළට ආක්රමණික ශාක ව්යාප්ත වීමේ දැඩි අවදානමක් ද පවතී. වනෝද්යානය මැදින් සකස් කළ මාර්ගයේ ජාතික වනෝද්යානයෙන් පිටත ප්රදේශ නිරීක්ෂණය කළ අවස්ථාවේ දී අපට පෙනී ගියේ මේ ප්රදේශයේ ගිනි තණ (ඡ්බසජමප ප්ංසපමප) හා ගඳපාන (ඛ්බඒබ් ජ්ප්ර්) යන දැඩි ආක්රමණික ශාක විශේෂ ව්යාප්ත ව ඇති බවයි. මේ ශාකවල බීජ වාහනවල රෝදවල තැවරී ජාතික වනෝද්යානය තුළට ව්යාප්ත වීමේ හැකියාව පවතී. එසේ ව්යාප්ත වුව හොත් කටු පඳුරු සහිත ලඳු කැළෑ බිම් ගඳපාන ශාකයේ ආක්රමණයටත් විල්ලූ පරිසර ගිනි තණ ශාකයේ ආක්රමණයටත් ලක් විය හැකි ය.
විල්පත්තුව ජාතික වනෝද්යානයේ දකුණු මායිමේ, විශේෂයෙන් ම පුත්තලම සිට එළුවන්කුලම දක්වා ප්රදේශයේ වෙරළාශ්රිත පරිසර පද්ධතිවලට දැඩි තර්ජන එල්ල කරන කලපු අන්දර (ඡරදිදචසි වමකසකෙදර්) ශාකය ව්යාප්ත ව තිබේ. මේ ශාකය විල්පත්තුව ජාතික වනේද්යානයේ වෙරළබඩ තීරය දිගේ ඉදි කර ඇති මාර්ගය ඔස්සේ ජාතික වනෝද්යානය තුළ වෙරළබඩ පරිසර පද්ධතිවලට ව්යාප්ත විය හැකි ය. එහි ව්යාප්ත වුව හොත් වෙරළබඩ පරිසර පද්ධති දැඩි තර්ජනයකට ලක් විය හැකි ය.
ලූණුගම්වෙහෙර, බුන්දල, උඩවලව වැනි ජාතික වනෝද්යානවල ව්යාප්ත ව ඇති ආක්රමණික ශාක වන ගඳපාන, ගිනි තණ හා කලපු අන්දර ශාක ඉවත් කිරීම සඳහා විශාල මුදලක් වනජීවී සංරක්ෂණ දෙපාර්තමේන්තුවට දැරීමට සිදු ව තිබේ. ඒ ඔස්සේ ඇති වී තිබෙන අනෙක් තර්ජන නම් මේ ජාතික වනෝද්යානවල ජීවත් වන සතුන් ගේ ගොදුරු බිම්, වසම් ප්රදේශ සීමා වීම හේතුවෙන් එම සතුන් ගේ ගහන ඝනත්වය දැඩි ලෙස තර්ජනයට ලක් විය හැකි වීම ය. මීට අමතරව එම ජාතික වනෝද්යාන ආශ්රිත ප්රදේශවල අලි - මිනිස් ගැටුම දැඩි ලෙස වර්ධනය වීමට ද හේතු වී ඇත්තේ ජාතික වනෝද්යානය තුළ ආක්රමණික ශාක ව්යාප්තිය හේතුවෙන් එම සතුන් ගේ ආහාර බිම් සීමා වීම ය. මේ තත්ත්වයට විල්පත්තුව ජාතික වනෝද්යානය ද අනාගතයේ දී ගොදුරු කිරීමට මේ මාර්ග ඉදි කිරීම අනිවාර්යයෙන් ම බලපෑ හැකි ය.
විල්පත්තුව ජාතික වනෝද්යානයේ ජෛව විද්යාත්මක
හා පුරා විද්යාත්මක වටිනාකම
විල්පත්තුව ජාතික වනෝද්යානය යනු වනෝද්යාන සංකීර්ණයකි. කොටස් පහකින් යුක්ත විල්පත්තුව ජාතික වනෝද්යානයේ පළමු කොටස ප්රකාශයට පත් කළේ 1938 පෙබරවාරි 25 වැනි දා ය. අනුරාධපුරය හා පුත්තලම දිස්ත්රික්ක දෙකට අයත් එහි භූමි ප්රමාණය හෙක්ටයාර 54953.2කි. ඉන්පසුව 1967.04.28 වන දින හෙක්ටයාර 7021.4ක් ද, 1969.08.27 වන දින හෙක්ටයාර 22981.4ක් ද, 1969.12.05 වන දින හෙක්ටයාර 25252.9ක් හා 1973.12.07 වන දින හෙක්ටයාර 21484.8ක් ද වශයෙන් කොටස් 5ක් ලෙස විල්පත්තුව ජාතික වනෝද්යානය ප්රකාශයට පත් කර තිබේ.
අද වන විට ඊට අයත් සම්පූර්ණ වනාන්තර ප්රමාණය හෙක්ටයාර 131693.7කි. මීට අමතරව විල්පත්තුව ජාතික වනෝද්යානය හා තවත් වනාන්තර ගණනාවක් සම්බන්ධ වෙමින් විශාල වනජීවී වාසස්ථානයක් ගොඩනැඟී ඇත. එනම් විල්පත්තුව උතුරු අභය භූමිය, තබ්බෝව අභය භූමිය හා වීරක්කුලිචෝලේ - එළුවන්කුලම යෝජිත රක්ෂිතය වැනි වනාන්තර ය. මෙසේ විල්පත්තුව හා ඒ හා සම්බන්ධව ගොඩනැඟී ඇති අනෙක් වනාන්තර පරිසර පද්ධති හේතුවෙන් වනජීවීන් අති බහුතරයකට ලැබුණු
රැකවරණය හා කලාඔය, මෝදරගංආරු වැනි ගංගාවන් ගේ ජල පෝෂක ප්රදේශ වැනසීම මේ මාර්ගය ඉදි කිරීම සඳහා එළි පෙහෙළි කළ වනාන්තර හා පස් කැපීම හේතුවෙන් අහිමි වී ඇත.
එපමණක් නො ව විල්පත්තුව යනු වනජීවී වාසස්ථාන හා ගංගාවන් ගේ ජල පෝෂක ප්රදේශයක් පමණක් නො ව අති දැවැන්ත පුරා වස්තු සම්භාරයක් සඟවා ගත් අප ජාතියේ ඉතිහාසය ගැබ් ව පවතින ධන නිධානයකි. ඉන්දියාවෙන් පැමිණි විජය රජු ගොඩබට තම්බපන්නිය පිහිටා ඇත්තේ ද විල්පත්තුව ජාතික වනෝද්යානයේ ය. විජය රජු ගේ ආගමනයට පෙර කුවේණිය තුළින් ඉස්මතු වූ ලාංකේය සංස්කෘතියේ අක් මුල් රැඳී ඇත්තේ ද විල්පත්තුව ජාතික වනෝද්යානය තුළ ය.
ෂඹCභ Sරස ඛ්බන්ල (2006)ල Resදමරජැ ෂබඩැබඑදරහ දෙ උසකච්එඑම භ්එසදබ්ක ඡ්රනල ෂඹCභ Sරස ඛ්බන් වාර්තාවට අනුව විල්පත්තුව යනු විවිධ පරිසර පද්ධති අති බහුතරයකින් සැදුම් ලත් ජාතික වනෝද්යානයකි. වියළි මිශ්ර සදාහරිත වනාන්තර, කටු පඳුරු සහිත ලඳු කැළෑ, ගංගාශ්රිත වනාන්තර, තෙත් විල්ලූ තෘණ භූමි, වියළි පතන තෘණ භූමි, පිටාර තැනි, වගුරු බිම්, වැව්, කඩොලාන, ලවණ වගුරු, වැලි කඳු හා වෙරළබඩ පරිසර මෙහි දැක ගත හැකි ය. මේ විවිධ වූ පරිසර පද්ධතිවලින් කුල 123කට අයත් මල් පිපෙන ශාක විශේෂ 623ක් පමණ වාර්තා වී ඇත. ඉන් විශේෂ 27ක් ලංකාවට ආවේණික වේ.
සමනළන්, මත්ස්යයන්, උභයජීවීන්, උරගයන්, පක්ෂීන් හා ක්ෂීරපායීන් යන සත්ත්ව කාණ්ඩ හයට අයත් විශේෂ 328ක් පමණ වාර්තා වන අතර ඉන් විශේෂ 21ක් මෙරටට ආවේණික වේ.
IUCN Sri Lanka, (2006) Resource Inventory of Wilpattu National Park, IUCN Sri Lanka වාර්තාවට අනුව විල්පත්තුව ජාතික වනෝද්යානය තුළ පුරා විද්යාත්මක වටිනාකම් සහිත ප්රදේශ 68ක් පමණ දැනට හඳුනාගෙන ඇත. ඒ අතර ෆොසිල සහිත ප්රදේශ, ප්රාග් ඓතිහාසික නෂ්ටාවශේෂ සහිත භූමි, ඉපැරැණි සොහොන් බිම්, මෙසෝලිතික යුගයේ ගල් ආයුධ සහිත ස්ථාන මේ ජාතික වනෝද්යානය තුළින් හමු වී තිබේ. පොම්පරිප්පු ප්රදේශයේ හමු වන මහා ශිලා යුගයේ සොහොන් බිම්වල අඩි 3ක් පමණ උස විශාල මැටි වළංවල බහා ලු මිනී අළු බඳුන් හමු වේ. මේවා මධ්ය ශිලා යුගයේ බලංගොඩ මානවයාට වඩා දියුණු මිනිස් ශිෂ්ටාචාරයක සාධක හමු වන බිම් ය.
මේ අක්රමවත් නීති විරෝධී මාර්ග සංවර්ධනය හා වනෝද්යානයේ කැණීම් හේතුවෙන් මෙවන් පුරා වස්තු රැසක් ජාතියට අහිමි වන්නට ඇත. මෙවන් සම්පත් රටට, ජාතියට අහිමි කරමින් සිදු කරන සංවර්ධනයෙන් බලාපොරොත්තු වන්නේ කුමක් ද යන්න අපට නො වැටහේ.
පරිසර නීති උල්ලංඝනය කිරීම
2009 අංක 22 දරන පනතින් අවසන් වරට සංශෝධිත 1937 අංක 02 දරන වන සත්ත්ව හා වෘක්ෂලතා ආරක්ෂක ආඥා පනතේ 3, 5, 6 යන වගන්ති සියල්ල උල්ලංඝනය කරමින් වනෝද්යානය තුළට අනවසරයෙන් ඇතුළු වී මාර්ග ඉදි කිරීම, වනජීවී වාසස්ථාන විනාශ කිරීම, ස්ථිර පාලම් ඉදි කිරීම, ගස් කපා ඉවත් කිරීම, පස් ලබා ගැනීම සඳහා විශාල වළවල් කැණීම, වනාන්තර ඉඩම් මායිම් කණු සිටුවා වෙන් කිරීම යන සියලු ක්රියාකාරකම් සිදු කෙරෙයි. එහෙත් ඊට එරෙහි ව වනජීවී සංරක්ෂණ දෙපාර්තමේන්තුව කිසිදු ක්රියාමාර්ගයක් ගෙන නැත.
එම පනතේ 9 වැනි වගන්තියට අනුව ජාතික වනෝද්යානයක මායිමේ සිට සැතපුමක් ඇතුළත සීමාවේ සංවර්ධන කටයුත්තක් සිදු කිරීමට ප්රථම පරිසර බලපෑම් ඇගයීම් ක්රියාවලියට අනුව කටයුතු කර වනජීවී අධ්යක්ෂ ජනරාල් ගේ පූර්ව ලි�ත අනුමැතිය ලබාගත යුතු ය. එසේ නීති සකස් කර ඇත්තේ ජාතික වනෝද්යානයක් ලෙස ප්රකාශයට පත් කරන ඉතා ම වැදගත් පරිසර පද්ධතිවල ආරක්ෂාව තහවුරු කිරීම සඳහා ය.
මීට අමතරව ජාතික වනෝද්යානයෙන් පිටත වනාන්තර සංවර්ධනය කිරීමට ප්රථමයෙන් ද ජාතික පාරිසරික පනතට අනුව ක්රියා කළ යුතු ය. සංශෝධිත 1980 අංක 47 දරණ ජාතික පාරිසරික පනතට අනුව ප්රකාශිත 1993.06.24 දින අංක 772/22 දරන ගැසට් නිවේදනයට අනුව හෙක්ටයාර 1කට වැඩි (අක්කර 2.5ක් පමණ වන) ඉඩම් ප්රදේශයක ඇති කැළෑ, කැළෑ ආශ්රිත නො වන ප්රයෝජනයක් සඳහා යොදා ගැනීමට ප්රථම පරිසර බලපෑම් ඇගයීම් තක්සේරු කරන ක්රියාවලියට යටත් ව කටයුතු කර අදාළ පූර්ව ලි�ත පාරිසරික අනුමැතිය ලබා ගත යුතු ය.
මේ නීති රීති සියල්ල ම උල්ලංඝනය කරමින් විල්පත්තුව ජාතික වනෝද්යානය තුළ හා වටා ප්රදේශයේ මහ පරිමාණ, අනවසර සංවර්ධන ක්රියාකාරකම් සිදු කෙරෙයි.
රක්ෂිත වනාන්තර පියවරෙන් පියවර මෙසේ වනසද්දී වනජීවී සංරක්ෂණ දෙපාර්තමේන්තුව හා පරිසර අමාත්යංශය මෙසේ නිහඬ ව සිටින්නේ මක් නිසා දැයි යන්න විශාල ප්රශ්නයකි. ලංකාවේ විශාලතම ජාතික වනෝද්යාන සංකීර්ණය වන විල්පත්තුවට සිදු කෙරෙමින් පවතින සියලු හානිකර ක්රියා වහා ම නතර කිරීමට පියවර ගන්නා ලෙස අපි අදාළ වගකිව යුතු අංශ වලින් ඉල්ලා සිටිමු. අදාළ අංශ කඩිනමින් ක්රියාමාර්ග ගනු ඇතැයි අප විශ්වාස කරමු.
|
පාපන්දු කිරුළ ස්පාඤ්ඤයට
7-12-2010
2010 ලෝක කුසලානය තියුණු තරගයකින් පසුව ඊයේ (11) ස්පාඤ්ඤය දිනා ගැනීමට සමත් විය. ගෝල 1ට 0ක් ලෙස නෙදර්ලන්තය පරාජය කර ඔවුන් මෙම ශූරතාවය දිනා ගත්තේ ඉතිහාසයේ පළමුවරටය.
මෙම අවසන් මහා පාපන්දු තරගය දකුණු අප්රිකාවේ ජෙහැන්ස්බර්ග්හි සොකර් සිටි ක්රීඩාංගණයේ දී පැවැත් වූ අතර මෙම තරඟය නැරඹීම සඳහා විශාල පිරිසක් එහි එක්ව සිටියහ.
තරගයේ පළමු අර්ධය ආරම්භයේ සිට තියුණු තරග රටාවක් ප්රදර්ශනය වීම හේතුවෙන් කිසිදු කණ්ඩායමකට පළමු මිනිත්තු කිහිපයේ දී ගෝල රැස් කිරීමට නොහැකි විය.
දෙපිළෙහි ම දක්ෂ දැල් රකින්නන් සිටීම හේතුවෙන් ගෝල රැස් කිරීමට තිබු අවස්ථා කිහිපයක් ම ගිලිහී ගිය අතර පසුව කණ්ඩායම් දෙකට ලබා දුන් අතිරේක කාලයේදී ස්පාඤ්ඤය ගෝලයක් ලබා ගත්තේය.
|
වෛද්යවරියක් ඩෙංගු රෝගයෙන් මියයයි
7-11-2010
ඩෙංගු රෝගය වැළඳීමෙන් බදුල්ල මහා රෝහලේ දැඩි සත්කාර ඒකකයේ ප්රතිකාර ලබමින් සිටි වෛද්ය ලක්මාලී විඡේනායක (31) මහත්මිය ඊයේ (11 වැනිදා) පෙරවරුවේ මියගොස් ඇත. මියගිය වෛද්යවරිය බදුල්ල මහා රෝහලේ සේවයේ නිරතව සිටියදී දින තුනකට පමණ පෙර ඩෙංගු රෝගය වැළඳී එහි දැඩිසත්කාර ඒකකයට ඇතුළත් කර තිබිණි.
ඩෙංගු රෝගය වැළඳීමෙන් මීට පෙරද වෛද්යවරයකු මියගිය අතර මේ වනවිටත් බදුල්ල රෝහලේ හෙදියක් ද ඩෙංගු රෝගය වැළඳීමෙන් දැඩි සත්කාර ඒකකයේ ප්රතිකාර ලබන බව බදුල්ල රෝහල් ප්රකාශකයෙක් "දිවයින"ට පැවසීය.
මේ වසරේ මුල්මාස හය තුළ ඩෙංගු රෝගයෙන් 150 කට ආසන්න පිරිසක් මියගොස් ඇති අතර 20,000 කට ආසන්න පිරිසකට ඩෙංගු රෝගය වැළඳී ඇත.
|
සමාව අයෑදිතැයි බලාපොරොත්තු වෙයි
7-09-2010
කොළඹ එක්සත් ජාතීන්ගේ කාර්යාලය ඉදිරියේ පැවැති විරෝධතාව සහ බැන් කී මූන්ගේ පඹයකු පිළිස්සීම ගැන ශ්රී ලංකා රජයෙන් සමාව අයෑදීමක් බලාපොරොත්තු වන බව එක්සත් ජාතීන්ගේ සංවිධානය විසින් ඊයේ (08 දා) ප්රකාශ කර ඇත.
මේ බව එක්සත් ජාතීන්ගේ ප්රකාශක පර්හාන් සාක් විසින් පවසා තිබේ. එහෙත් මෙයට ප්රතිචාර ලෙස රජය දන්වා ඇත්තේ එය රජයට සම්බන්ධ පක්ෂ ප්රධානියකුගේ ක්රියාදාමයක් මිස සමාව ඉල්ලීමේ අවශ්යතාවක් නැති බවයි.
මේ අතර එක්සත් ජාතීන්ගේ කාර්යාලය ඉදිරියේ පැවැති විරෝධතාව මෝඩ ක්රියාවක් ලෙස හැඳින්වීමට එක්සත් ජාතීන්ගේ නියෝජ්ය නියෝජිතයා කළ ප්රකාශය සම්බන්ධයෙන් රජයේ දැඩි අවධානය යොමුවී ඇත.
මෙම විරෝධතාව අපරාධ ක්රියාවක් ලෙස හඳුන්වමින් එහි පිරිස අත්අඩංගුවට ගන්නැයි එන්. ජී. ඕ. ක්රියාකාරිකයකු කළ ඉල්ලීමක් රජය ප්රතික්ෂේප කර තිබේ.
|
බොරු සාක්කි දුන්නොත් විලංගු වැටෙන්නේ මට
7-09-2010
යුද අපරාධ සිදුවූ බව පවසමින් එක්සත් ජාතීන්ගේ ත්රිපුද්ගල කමිටුව හමුවේ තමා බොරු සාක්ෂි ලබා දුන්නොත් පළමුව විලංගු වැටෙන්නේ තමන්ගේ දැත්වල බව ප්රජාතන්ත්රවාදී ජාතික සන්ධානයේ නායක ජෙනරාල් සරත් ෆොන්සේකා මහතා ඊයේ (08) පාර්ලිමේන්තු සංකීර්ණයේ පැවැති ප්රවෘත්ති සාකච්ඡාවකදී පැවැසීය.
යුද්ධය පැවැති කාලයේ හමුදා නිලධාරීන් විසින් කළ මානුෂික මෙහෙයුමේ සෑම වගකීමක්ම තමන් භාර ගන්නා බවට මුල පටන් ප්රකාශ කළ බව කී සරත් ෆොන්සේකා මහතා එසේ වගකීම භාරගත් තමන් අසත්ය සාක්කි දුන්නොත් සිදුවන්නේ තමාවම සිර භාරයට ලක් කිරීමක් බවද කීය.
යුද අපරාධ සම්බන්ධව ජාත්යන්තරයට බොරු සාක්ෂි ලබා දීමට සූදානම් වන බවට තමන් සම්බන්ධයෙන් ආණ්ඩුවේ ඇමැතිවරයකු ගෙන යන ප්රචාරය විහිළුවක් බවද ෆොන්සේකා මහතා කීය.
යුද්ධය මෙහෙය වූ පුද්ගලයා මමයි. එහි වගකීම මා භාර ගන්නා බව මුල පටන්ම මම කිව්වා. ඒත් ඇතැම් දේශපාලන විකටයන් කියනවා මම යුද අපරාධ පිළිබඳ ජාත්යන්තරයට බොරු සාක්ෂි දෙනවා කියලා. එසේ කළොත් මුලින්ම මාංචු දාලා ළඟම තියෙන කූඩුවට දාන්නේ මාවයි.
ශ්රී ලංකාවේ යුද්ධය කළේ ජාත්යන්තර නීතිවලට අනුකූලවයි. යුද අපරාධ කිසිවක් සිද්ධ වුණේ නැහැ. ඒත් දේශපාලන විකටයන්ගේ විහිළු කතා නිසා ශ්රී ලංකාවේ යුද අපරාධ සිදුව ඇතැයි ව්යංගයෙන් කියෑවෙනවා. ඔවුන්ට අවශ්යවී තිබෙන්නේ එවැනි චිත්රයක් මවලා වීරයන් වෙන්න.
මම කෙන්යා සමුළුවට ගියොත් ආයෙත් එන එකක් නැහැ කියලා මේ විකටයෝ කියනවා. මම ලංකාවට නෑවිත් ඉන්නවා නම් ආණ්ඩුව වඩාත් කැමැති වේවි. මගේ මුළු පවුලටම ගුවන් ප්රවේශපත්ර දීලා දීමනාවකුත් දීලා මාව ඒ රටට යවාවි. මට යන්න විශේෂ ගුවන් යානාවකුත් ලබා දේවි.
අපි එහෙම නොකරන එකයි ආණ්ඩුවට තියෙන ප්රශ්නය. අද පාර්ලිමේන්තු මන්ත්රීවරයෙකු ලෙස මට තියෙන වරප්රසාද නැති කළා. යන එන හැම තැනම හෙවනැල්ල වගේ පොලිස් නිලධාරීන් පස්සෙන් එනවා. බ්රිතාන්ය පාර්ලිමේන්තු සම්ප්රදාය රකින රටක මේ වගේ සිදුවන්න බැහැ. අපි විදේශ තානාපතිවරුන් හමුවෙලාත් මේ ප්රශ්න ගැන සාකච්ඡා කළා.
අනුර කුමාර දිසානායක මහතා මෙසේ කීවේය.
සරත් ෆොන්සේකා මහතා අත්අඩංගුවට ගෙන අදට මාස පහයි. ආණ්ඩුව අද අධිකරණයට බලපෑම් කරනවා. ෆොන්සේකා මහතා මුදවා ගැනීම සඳහා අපි මේ මාසය අවසානයේ සිට මහජනතාව සමග එක්ව නැවත විරෝධතා උද්ඝෝෂණ පවත්වනවා. එක්සත් ජාතීන්ගේ සංවිධානයේ කොළඹ කාර්යාලය ඉදිරිපිට කෙරෙන උද්ඝෝෂණයේ තිර නාටකය ලියා තිබෙන්නේ ජනාධිපතිතුමා. විකට චරිතය කරන්නේ විමල් වීරවංශ ඇමැතිවරයා මෙය පොලිසිය සමග එක්ව රඟදක්වන හාස්යෝaත්පාදක නාට්යයක්. මේක සමහරවිට දෙබිඩ්ඩෝ වෙන්න ඇති. මොකක්ද මේ ආණ්ඩුවේ දෙබිඩි පිළිවෙත.
ප්රජාතන්ත්රවාදී ජාතික සන්ධානයේ මන්ත්රීවරුන් වන විජිත හේරත්, අර්ජුන රණතුංග, අජිත් කුමාර යන මහත්වරුන්ද මෙම මාධ්ය හමුවට සහභාගි වූහ.
|
ඉවතට ගැනීමට පොලිස් සහය
7-06-2010
(කොළඹ, ලංකාපුවත්) – කොළඹ පිහිටි එක්සත් ජාතීන්ගේ කාර්යාලයේ ඉදිරිපිට ජාතික නිදහස් පෙරමුණ ආරම්භ කර තිබුණු උපවාසය පොලීසිය විසින් විසුරවා හැරීමට පියවර ගෙන තිබේ.
අදාළ විරෝධතාවය හා උපවාසය හේතුවෙන් ඉවතට පැමිණීමට නොහැකිව එම කාර්යාලයේ සේවක මණ්ඩලය ඒ තුළ සිරවී සිටියහ.
අනතුරුව එම සේවක පිරිස පොලිස් ආරක්ෂාව සහිතව පිටමං කිරිමට පියවර ගත් බව වාර්තාවේ.
ශ්රී ලංකාව තුළ සිදුවූවා යැයි කියනු ලබන මානව හිමිකම් කඩවීම් සොයා බැලීමට ජගත් මහ ලේකම්වරයා විසින් පත්කර තිබෙන කමිටුවට එරෙහිව ජාතික නිදහස් පෙරමුණ විසින් සංවිධානය කරනු ලැබූ විරෝධතා ව්යාපාරය එක්සත් ජාතීන්ගේ කොළඹ කාර්යාලය ඉදිරිපිටට පැමිණ අද දහවල් උපවාසයක් ආරම්භ කරන ලදී.
|
වාස් පිටියට සමුදෙයි
7-04-2010
ශ්රි ලංකා ක්රිකට් කණ්ඩායමේ වේග පන්දු යවන ක්රීඩක චමින්ද වාස් එළඹෙන ලෝක කුසලාන ක්රිකට් තරගාවලියෙන් පසු ජාත්යන්තර ක්රිකට් ක්රීඩාවෙන් සමුගන්නා බව ප්රකාශ කර තිබේ. 2011 වසරේ පැවැත්වෙන ලෝක කුසලාන ක්රිකට් තරගාවලියට ක්රීඩා කර එම කුසලානය ශ්රි ලංකාවට දිනා දීම තම අභිප්රාය බව විදෙස් මාධ්යයක් වෙත ඔහු සඳහන් කර ඇත.
හොඳින් පන්දු යැවීමේ නිරත වුවද පසුගිය කාලය තුළ තමා ශ්රි ලංකා කණ්ඩායමට ඇතුළත් කර ගැනීමට බලධාරීන් කටයුතු නොකළ බව ඔහු පෙන්වා දෙයි. කෙසේ වුව ද තමන් ක්රිකට් ක්රීඩාවෙන් විශ්රාම ගැනීමෙන් අනතුරුව පන්දු යැවීමේ පුහුණුකරුවෙකු ලෙස කටයුතු කිරීමට සැළසුම් කර ඇති බව චමින්ද වාස් සඳහන් කර තිබේ. දේශපාලනයට යොමු වීමේ කිසිදු අදහසක් තමන් වෙත නොමැති බව ඔහු වැඩිදුරටත් සඳහන් කර ඇත.
|
මවුලවිතුමන්ගේ අවසන් කටයුතු
7-04-2010
අභාවප්ප්රාප්ත ඉස්ලාම් ආගමික කටයුතු පිළිබඳ ජනාධිපති උපදේශක අල්හාජ් නියාස් මවුලවි තුමන්ගේ දේහය මේ වන විට බදුල්ල ප්රධාන මුස්ලිම් පල්ලියේ තැන්පත් කර තිබේ. දේහයට අවසන් ගෞරව දැක්වීම සඳහා බදුල්ල ප්රදේශයේ විශාල ජනතාවක් එම මුස්ලිම් පල්ලියට පැමිණෙමින් සිටින බව සඳහන්ය.
ආගමික වතාවත් වලින් අනතුරුව දේහය ගුවනින් කොළඹට ගෙන ඒමට කටයුතු යොදා තිබේ. අනතුරුව කොළඹ 12 ඊසානියා ඇරබික් විදුහලේ මහජන ගෞරවය සඳහා දේහය තැන්පත් කිරීමට නියමිතය. දේහය පිළිබඳ අවසන් කටයුතු අද පස්වරුවේ සිදුකිරීමට නියමිතව ඇත.
|
|